1
Welcome to Buxoro viloyati Iqtisodiy taraqqiyot   Click to listen highlighted text! Welcome to Buxoro viloyati Iqtisodiy taraqqiyot

Diqqat! siz uchun yan abir ajoyib yangilik «Biznesga birinchi qadam» startap g’oyalar tanlovini e’lon qilamiz!!!

Sizda hududingizni yanada rivojlantirish uchun biznes yoki xizmat ko’rsatish soxasida yangi startap g’oyalar bormi?

Uni moliyalashtirish uchun yetarli mablag’ mavjud emasmi?

BU TANLOV AYNAN SIZ UCHUN

Startap biznes g’oyangizni hududingizdagi Yoshlar ishlari agentligi bo’limlarida tashkil etilgan ishchi guruhlarga taqdim eting.
O’z g’oyangizni ahamiyatli ekanligini va natijasi kutilgan samaradorlikni berishini isbotlab tanlovda g’olib bo’ling.

Biz Sizning biznes g’oyangizni moliyalashtirishda va amaliyotga joriy etishingizga yaqindan yordam beramiz.




Xiaomi jahon smartfon bozorida Apple’ni ortda qoldirdi

Ma’lumotlarga ko‘ra, birinchi o‘rinni 19 foiz ulush bilan Samsung kompaniyasi egallagan. Shuningdek, yuqori beshlikka Vivo va Oppo kompaniyalari kirdi: ularning bozordagi ulushi 10 foizga teng bo‘lgan.

2021 yilning ikkinchi choragida Xitoyning Xiaomi korporatsiyasi smartfonlar sotuvi bo‘yicha dunyoda ikkinchi o‘ringa chiqdi, deyiladi Canalys kompaniyasi hisobotida.

Hisobotda aytilishicha, jahon bozorida Xiaomi ulushi 17 foizni tashkil etgan. Korporatsiya Apple kompaniyasini uchinchi o‘ringa tushirib yubordi: Amerika kompaniyasining bozordagi ulushi 14 foizga teng bo‘lgan.

Ma’lumotlarga ko‘ra, birinchi o‘rinni 19 foiz ulush bilan Samsung kompaniyasi egallagan. Shuningdek, yuqori beshlikka Vivo va Oppo kompaniyalari kirdi: ularning bozordagi ulushi 10 foizga teng bo‘lgan.

Tahlilchilarning ta’kidlashlaricha, o‘tgan yili jahon smartfon bozorida yetakchilik Huawei qo‘lida bo‘lgan.




O‘zbekistonga o‘simlik yog‘ini olib kirish qo‘shilgan qiymat solig‘idan ozod qilinadi.

Soliq kodeksiga qo‘shimchalar kiritildi.

         Unga ko‘ra, 2021 yil 1 maydan 31 dekabrgacha quyidagilar qo‘shilgan qiymat solig‘idan ozod qilinadi:

O‘zbekiston hududiga o‘simlik yog‘i, kungaboqar va zig‘ir urug‘i, shuningdek soya danagini olib kirish:

         O‘simlik yog‘ini (paxta yog‘idan tashqari) ishlab chiqarish va (yoki) realizasiya qilish bo‘yicha aylanma.

        2021 yil 1 maydan 31 dekabrgacha:

-ayrim turdagi oziq-ovqat mahsulotlariga nisbatan eksport bojxona bojlari kiritiladi;

-tadbirkorlarga o‘zlari tomonidan import qilingan kungaboqar yog‘i va kungaboqar urug‘larini qayta ishlash natijasida olingan o‘simlik yog‘ining (TIF TN bo‘yicha kodi 1512 11 – 1512 19) 50 foizdan oshmagan qismini eksport qilishga ruxsat beriladi.

                                                                           Manba O’RQ-689, 29.04.2021 yil.




DIQQAT E’LON


Загрузчик Загрузка...
Логотип EAD Слишком долго?

Перезагрузка Перезагрузить документ
| Открыть Открыть в новой вкладке




Prezident: Masala avvalo mahallada hal bo‘lsagina odamlar rozi bo‘ladi

Davlatimiz rahbari Shavkat Mirziyoyev Olot tumani markazida Olot, Qorako‘l, Jondor va Shofirkor tumanlari faollari, mahalla raislari bilan uchrashdi. O‘tgan yili sodir bo‘lgan tabiiy ofat yodga olindi.

– 2020-yil Vatanimiz uchun, shu jumladan, Buxoro viloyati uchun juda katta sinovlar yili bo‘ldi. Bu yerda yuz bergan tabiiy ofat iqtisodiyotga, infratuzilmaga, odamlar 30-40 yillab qurgan uylariga katta talafot yetkazdi. Biz xalqimizning sabr-toqati, birdamligi, hamjihatligi bilan bu balolardan qudratli bo‘lib chiqamiz, deb niyat qilgandik, mana, shu natijalarga erishdik, – dedi Prezident.

Hech bir oila e’tiborsiz qoldirilmagani ta’kidlandi. Xususan, “Saxovat va ko‘mak” umumxalq harakati doirasida Olot, Qorako‘l va Jondordagi ehtiyojmand oilalarga qariyb 14 milliard so‘m moddiy yordam ko‘rsatilgan.

Aholi farovonligini oshirishga qaratilgan ishlar izchil davom ettirilishi, buning uchun quyi tizimdagi rahbarlar uyg‘onishi, jon kuydirishi kerakligi aytildi.

– Bugun bu yerga kelishimdan maqsad – xalqimizni ko‘proq eshitish, ertangi marralarni belgilashda to‘g‘ri yo‘l tutish. Tuman hokimlari va mahalla raislari o‘zlarini qiynayotgan muammolarni ochiq-oydin aytib, ularning yechimi bo‘yicha takliflarini bildirsa, niyatimiz amalga oshadi, – dedi davlat rahbari.

Hududlarni rivojlantirish dasturi hamda kambag‘allikni qisqartirish rejalari mahallabay tizim asosida ishlab chiqilishi ta’kidlandi.

– Mahalla raisi qachon obro‘li bo‘ladi? Xalq dardini rahbarlarga lo‘nda qilib qo‘ysa. Hamma masala avvalo mahallada hal bo‘lsagina odamlar rozi bo‘ladi, – dedi Shavkat Mirziyoyev.

Bu yil yoshlar va oilaviy tadbirkorlik loyihalari uchun Qorako‘l tumaniga 36 milliard so‘m, Olot tumaniga 21 milliard, Jondor tumaniga 49 milliard so‘m mablag‘ ajratiladi. Qorako‘l kasb-hunarga o‘qitish markazida 980 nafar ishsiz va chet elda ishlash istagi bo‘lgan fuqarolar turli kasblarga o‘qitiladi.

2021-2022-yillarda Olotda 42 ta, Qorako‘lda 56 ta, Jondorda 67 ta loyiha amalga oshirilib, 3 mingta doimiy ish o‘rni yaratish rejalashtirilgan.

Olotda loyiha qiymati 20 million dollar bo‘lgan logistika markazi, Qorako‘lda oltingugurtni qayta ishlash korxonasi, Jondorda keramik plitalar ishlab chiqarish ob’ekti ishga tushiriladi. Kichik sanoat zonalari tashkil etiladi.

Qishloq xo‘jaligida ham foydalanilmagan imkoniyatlar bor. Joriy yilda 18 kilometr melioratsiya tarmoqlari qurilib, Janubiy Olot xo‘jaliklararo kollektori rekonstruksiya qilinadi. Natijada foydalanishdan chiqqan yerlar qayta o‘zlashtirilib, bozorbop mahsulotlar yetishtiriladi.

Prezidentimiz ijtimoiy sohalarni rivojlantirish masalalariga alohida to‘xtaldi. Xususan, Olot tumanida kinoteatr va kutubxonani o‘z ichiga olgan Ma’naviyat va madaniyat markazi qurilishi qayd etildi. Shuningdek, maktab, bolalar bog‘chasi, tibbiyot muassasalari, ijtimoiy xizmat ob’ektlari barpo etiladi.

Bu yil Qorako‘ldagi Xalqaro matematika maktabi rekonstruksiya qilinib, 200 o‘rinli yotoqxona qurilishi ta’kidlandi. Bu dargohning iqtidorli yoshlari IT sohasiga jalb qilinadi.

Jahon banki ishtirokidagi Olot va Qorako‘l tumanlari ichimlik suv ta’minotini yaxshilash bo‘yicha 139 million dollarlik loyiha yakunlanib, 265 ming aholi ichimlik suvi bilan ta’minlanadi. Bu ikki tumanda 30 yilda ichimlik suvi ta’minoti 17 foiz bo‘lgan, joriy yilda bu ko‘rsatkich 90 foizga yetadi.

Davlatimiz rahbari uchrashuvda mahalliy aholining murojaatlarini inobatga olib, Olot-Toshkent temir yo‘l qatnovi qayta tiklanishini ma’lum qildi.

Bugun butun mamlakatda uyg‘onish davri. Loqaydlik, o‘zibo‘larchilik bilan o‘zgarish bo‘lib qolmaydi. Xalqqa sharoit yaratish, tashabbuskorlarga ko‘maklashish, tinimsiz intilish va mehnatgina natija keltiradi. Uchrashuv mana shunday ruhda o‘tdi.




Prezident yosh dasturchilar bilan suhbatlashdi

Shavkat Mirziyoyev Buxoro shahridagi davlat xizmatlari markazi va IT Park ni borib ko‘rdi.

Bu yerda “yagona darcha” tamoyili asosida 130 dan ortiq turdagi davlat xizmatlari ko‘rsatiladi. Binoda Davlat xizmatlari agentligi viloyat boshqarmasi, Xalq qabulxonasi, Tadbirkorlar murojaatlarini ko‘rib chiqish bo‘yicha qabulxona, FHDYo bo‘limi, notarial idora ham joylashgani aholiga qulaylik yaratgan. Kutish zalida kitoblar jovoni tashkil etilgan.

Davlatimiz rahbari xizmatlar narxini arzonlashtirish, uzoq mahallalar aholisiga sayyor va onlayn xizmat ko‘rsatish bo‘yicha topshiriqlar berdi.

Shu yerda Korxonalarni sog‘lomlashtirish va xususiylashtirish klinikasi ham ochilgan. Moliyaviy va yuridik maslahatlar berish, axborot xizmatlari ko‘rsatish yo‘lga qo‘yilgan.

Binoning ikkinchi qavatida IT Park ning Buxoro filiali joylashgan. Bu yerda ham o‘quvchilar, ham talabalar, ham frilanser va dasturchilar uchun zarur sharoitlar yaratilgan. Bolalar maktab davridan o‘yinlar orqali axborot texnologiyalariga qiziqtiriladi, keyin o‘qitilib, loyihalar ishlab chiqishga o‘rgatiladi. Bu yerda yosh havaskorlar, robototexniklar, veb dizaynerlar, professional dasturchilar yig‘ilgan.

Prezidentimiz buxorolik yoshlarning salohiyatini yuksak baholab, bu soha mamlakatimiz taraqqiyoti uchun juda muhim ekanini ta’kidladi.

– Buxoro azaldan ilm-fan markazi bo‘lgan. Bugun ham bilimli, intiluvchan yoshlar ko‘p. Buxoroning IT sohasi bo‘yicha brendini yaratish kerak. Buning uchun barcha narsa – sharoit, resurs, intellekt bor, – dedi Shavkat Mirziyoyev.

Prezidentimiz «Mandey LABS» korxonasiga asos solgan 25 yoshli Saidravshan Shokirov, xalqaro IT kompaniyalar bilan hamkorlikda ishlayotgan dasturchi Shahrullo Tuxsanov va boshqa yoshlar bilan suhbatlashdi.

Dolzarb iqtisodiy-ijtimoiy masalalar bo‘yicha yosh dasturchilarga buyurtma berish, mablag‘, energiya resurslari va vaqtni tejovchi dasturiy mahsulotlar yaratish bo‘yicha ko‘rsatmalar berildi.

Davlatimiz rahbari IT Park dagi yoshlar bilan esdalik uchun suratga tushdi.

IT Park uchun Bukhara City majmuasida 9 va 12 qavatli zamonaviy binolar qurilmoqda. Majmuada kovorking markazi, ofislar, mehmonxona, restoran va sport zallari bo‘ladi. U yerda 700 dan ziyod ish o‘rni yaratiladi.




Buxoro viloyatiga tashrifning ilk manzili Olot tumani bo‘ldi

Prezident Shavkat Mirziyoyev 21-yanvar kuni Buxoro viloyatiga kelib, vertolyotda Olot tumaniga yo‘l oldi.

Bu – hududlar iqtisodiyotini rivojlantirishga qaratilgan joriy yilgi birinchi tashrif. Va u mazkur chekka tumandan boshlanayotgani bejiz emas.

2020-yil 27-aprel kuni Buxoro viloyatiga janubdan kuchli shamol kirib kelgan edi. Uy-joylar, infratuzilma va ekinlarga katta zarar yetkazgandi.

Davlatimiz rahbari zudlik bilan u yerga yetib borib, tabiiy ofat oqibatlarini bartaraf qilish, turar joylar va ijtimoiy ob’ektlarni ta’mirlash bo‘yicha topshiriqlar bergan edi. Qisqa muddatda zarur ishlar bajarilib, hayot o‘z maromiga qaytdi.

Bu galgi safar chog‘ida Prezident vertolyotda ushbu ishlar qamrovini ko‘zdan kechirdi.

Xususan, Olot, Qorako‘l, Jondor, Romitan, Peshku va Shofirkon tumanlarida 45 mingta uy, 204 ta ko‘p qavatli turar joy ta’mirlangan. Mingdan ortiq ijtimoiy soha va tadbirkorlik ob’ektlari, yo‘llar, elektr, gaz va aloqa tarmoqlari tiklangan.

Ayni paytda davlatimiz rahbari shu yerlik aholi bilan muloqot qilmoqda.




Бухоро вилоятида 2020 йилда “Бухоро кичик саноат зонаси”да амалга оширилган ишлар тўғрисида.

1.2020 йилда амалга оширилган ишлар:

Вилоятнинг 13
та
шаҳар ва туманларида 23 та
объект негизида
73,8 гектар ер майдони ҳудудида 16 та кичик саноат зоналари
ташкил этилган бўлиб, шундан “ЛОТ”ларга ажратилган ер майдони 63,0 гектарни ташкил этади.

Бугунги кунга
қадар кичик саноат зоналарининг ишлаб чиқилган ва маъмурий кенгаш томонидан
тасдиқланган бош режаларига асосан, жами
 42,1
гектар
ер майдони (67 %), умумий қиймати 300,05 млрд.сўм инвестиция киритиш ва 2832 та янги иш ўринлари яратиш шарти
билан
145 та тадбиркорлик субъектларига
ажратилган. Шундан, 15 та лойиҳа экспортбоп маҳсулотлар ишлаб чиқаришга,
35 та лойиҳа импорт ўрнини босувчи маҳсулотлар ишлаб чиқаришга мўлжалланган
бўлиб, 8 та лойиҳани маҳаллийлаштириш дастурига киритиш
чоралари кўрилмоқда.

Ўтган даврда кичик саноат зонаси иштирокчиси мақомини
олган 38 та тадбиркорлик субъектлари
ишга туширилиб, 523 та  иш 
ўринлари  яратилган. Улар томонидан
жорий йилнинг 1 ноябрь ҳолатида  32,1 млрд.сўмлик маҳсулот ишлаб
чиқарилган (ўтган йилнинг шу даврига
нисбатан 3.7 млрд сўмга ошган),
шундан 1,39
млн.АҚШ доллари
миқдоридаги маҳсулот экспортга йўналтирилган.

Лойиҳалари ишга тушган 38 та тадбиркорлик субъектлари томонидан  жорий йилнинг ўтган давр мобайнида жами 2.8 млрд.сўм миқдорида солиқ тўловлари
ҳисобланиб, бюджетга кўчириб берилган.

Мавжуд кичик саноат зоналаридаги тадбиркорлар учун
қулай шарт-шароитлар яратиш мақсадида Инқирозга қарши кураш Республика
комиссиясининг 2020 йил 19 майдаги 24-сонли йиғилиш баёнига асосан
муҳандислик-коммуникация тармоқлари қурилиши учун 35,9 млрд.сўм маблағ ажратилган бўлиб, 1-ноябрь ҳолатида 8,1 млрд.сўмлик қурилиш ишлари амалга
оширилган.

Йил якунига
қадар

        —  Жорий йилнинг охиригача 23 та лойиҳани ишга тушириш бўйича ноябр-декабр ойларида бажариладиган ишлар ва тадбирлар юзасидан ишлаб
чиқилган тармоқ жадваллари асосида мазкур
лойиҳаларни ишга туширилишини таъминлаш ва умумий қиймати 41.5 млрд.сўм инвестиция киритилиб, 522 та янги иш ўринлари яратишга эришиш.

—  КСЗларда коммуникация
тармоқларини қуриш ишларини тезлаштириш ва объектларни тармоқларга улаш ҳамда
муҳандислик-коммуникация тармоқлари қурилиши учун ажратилган 35,9 млрд.сўм маблағни тўлиқ ўзлаштиришнинг
аниқ чоралари кўриш.

— КСЗларга тадбиркорларни жалб қилиш масадида оммавий ахборот
воситалари орқали, давлат бошқарув органларининг сайтларида эълонларни
жойлаштириш орқали ҳамда ҳудудларга бориб тарғибот-ташвиқот ишлари олиб
бориб,  бугунги кунда 10 та КСЗларда бўш
турган 20,9 гектар ер майдонига
тадбиркорларни жалб қилиш.

— Туман ва шаҳар ҳокимликлари билан биргаликда аҳоли
зич жойлашган ва муҳандислик-коммуникация тармоқларга яқин бўлган ҳудудларида янги кичик саноат зоналари ташкил этиш,
шу жумладан ёшлар кичик саноат
зоналарини
ташкил этиш юзасидан таклифлар тайёрлаш.

2. 2021
йилда амалга ошириладиган ишлар:

  1. 2021 йилда 84 та 
    лойиҳаларни ишга тушириш, 260,3
    млрд.сўмлик инвестицияларни жалб этиш ва 
    2367  та янги иш ўринлари яратиш.
  2. Янгидан ташкил
    этиладиган кичик саноат зоналарида муҳандислик-коммуникация тармоқлари қурилиши
    ишларини амалга ошириш учун талаб этиладиган маблағларни ЛСҲ асосида аниқлаштириш,
    зарур маблағларни манбааси бўйича таклифларни тайёрлар.
  3. Кичик саноат
    зоналаридаги 20,9 гектар бўш ер
    майдонида (қамраб олинмаган ЛОТларга)
    салоҳиятли, импорт ўрнини босувчи ва экспортга йўналтирилган лойиҳаларни жалб
    этиш, натижада қўшимча
    210,0 млрд.сўм инвестиция киритиш ва
    1050 та янги иш ўринлари яратиш.
  4. Туман ва
    шаҳарларнинг аҳоли зич жойлашган ва муҳандислик-коммуникация тармоқларга яқин
    бўлган ҳудудларида камида 20 дан ортиқ
    янги кичик саноат зоналари ташкил
    этиш, шу жумладан камида 10 та  ёшлар
    кичик саноат зоналарини ташкил этиш
    ва қўшимча иш ўринлари ҳамда бюджетга
    тушумлар ортишини таъминлаш.




Кундалик истеъмол озиқ-овқат маҳсулотлари, тирик ҳайвонлар ва ем маҳсулотлари экспорти ҳақида маълумот




ДИҚҚАТ ЭЪЛОН

ҲУРМАТЛИ
ТАДБИРКОР ВА ИШБИЛАРМОНЛАР!

Халқ депутатлари Бухоро вилоят
кенгашининг 2020 йил 29 майдаги “Вилоятда янги ташкил этиладиган ва
тугатиладиган кичик саноат зоналари тўғрисида”ги 48/9-VI-сонли қарорига
асосан вилоятнинг 5 та ҳудудида (Бухоро шаҳар, Когон
шаҳар, Ромитан, Ғиждувон, Қоровулбозор туманларида) 6 та янги кичик саноат
зоналари
ташкил этилди.

Вилоятдаги давлат мулки ва давлат улуши бўлган хўжалик юритувчи жамиятларнинг фойдаланилмаётган ер майдонлари ҳамда объектлари негизидаянги ташкил этилаётган кичик саноат зоналаридан самарали фойдаланиш, инвестицияларни фаол жалб этиш, янги рақобатбардош ишлаб чиқаришларни ва кичик корхоналарни ривожлантиришни янада қўллаб-қувватлаш мақсадида кейинчалик мулк ҳуқуқи берилган ҳолда қуйидаги объектлар узоқ муддатли имтиёзли (ошиб борувчи коэффциентларсиз) ижарага берилади:

Талабгор
танловга қатнашиш учун “Бухоро кичик саноат зоналари дирекцияси” давлат
муассасасига танлов тўғрисидаги эълонда белгиланган муддатда қуйидаги
ҳужжатларни илова қилган ҳолда икки нусхада (ёпилган
канвертда)
ариза билан тақдим этади:

  • Давлат
    рўйхатидан ўтганлиги тўғрисидаги гувоҳнома нусхаси ва лойиҳани амалга ошириш
    бўйича корхона бизнес режаси;
  • Ишлаб
    чиқариш учун режалаштирилаётган маҳсулотларнинг номи, ҳажми ва турлари, шу
    жумладан экспортга мўлжаллангани;
  • Яратиладиган
    энг кам иш ўринлари сони;
  • Таклиф
    қилинаётган сармоялар ҳажми (млн.сўм);
  • Лойиҳа
    ташаббускорининг ўз сармоялари, шунингдек, банк кредити ҳисобидан маблағ билан
    таъминланиши тўғрисидаги банк маълумоти;
  • Лойиҳани ишга
    тушириш ва ишлаб чиқариш фаолиятини бошлаш жадвали;
  • Лойиҳани
    бажаришда зарур бўладиган сув, газ ва электр энергияси таъминотига ҳамда бошқа
    турдаги коммунал хизматларига бўлган талабларнинг ҳисоб-китоби (миқдори,
    суммаси);
  • Ажратилган
    ер майдонига лойиҳа ва бино-иншоотларни жойлашув схемаси;

Тақдим
этилган ҳужжатларнинг варақлари талабгорнинг муҳри ва имзоси билан тасдиқланган
бўлиши керак.   

Изоҳ: КСЗ ҳудудидаги давлат кўчмас мулки тадбиркорлик
субъектларига бизнес режаларни бажариш, иш ўринларини яратиш ва сақлаб қолиш,
барча турдаги солиқлар ва бошқа мажбурий тўловларни ўз вақтида тўлаш шарти
билан кейинчалик мулк ҳуқуқи берилган ҳолда 10 йилга узоқ муддатли ижарага
берилади.

Танловда қатнашиш учун талабгорлар эълон чоп этилган
кундан бошлаб 15 кун давомида “Бухоро кичик саноат зоналари дирекцияси” давлат
муассасасига иш кунларида соат 09.00 дан 18.00 гача Бухоро шаҳар, И.Каримов
кўчаси 10-уй, 1-қават, 105-хона манзили бўйича ариза билан мурожаат қилишлари
мумкин.

Аризаларни қабул қилиш 2020 йил 28 сентябрь куни соат
18-00да тўхтатилади ва эълонда кўрсатилган муддат тугаганидан кейин аризалар
қабул қилинмайди.

Талабгорлар томонидан тақдим этилган таклифлар Бухоро
вилоят ҳокимлиги (кичик мажлислар зали)да
2020 йил 2 октябрь куни вилоят маъмурий кенгаши томонидан кўриб чиқилади.

Мазкур объектлар (“лот”лар) бўйича танлов ғолиби
аниқланмаган тақдирда, такрорий танловлар ҳар 10 иш кунида бир марта
даврийликда ўтказилади. Такрорий танловлар бўйича аризаларни қабул қилиш танлов
кунидан уч кун олдин тўхтатилади.

 Кичик саноат зоналарида асосан қуйидаги
йўналишлар бўйича импорт ўрнини босувчи ҳамда экспортбоп маҳсулотлар ишлаб
чиқариш  талаб этилади:

  • Светодиод
    лампалар ва прожекторлар;
  • Уй
    учун электр жиҳозлар (чойнак, ошхона комбайнлари, тостер, миксер ва гўшт қиймалагичлар);
  • Ички
    ўрнатилган двигателли қурилиш мосламалари (дрель, арра, перфораторлар);
  • Ҳар
    хил ўрамдаги бўёқлар (банкалар, пуркагичли идишлар);
  • Спиралли
    ва ёғли иситиш мосламалари, печлар;
  • Маиший
    хизмат жиҳозлари (вентилятор, кондиционер ва ҳоказо);
  • Болалар
    учун велосипед ва аравачалар;
  • Ошхона
    плиталари учун ҳаво тортувчи мосламалар;
  • Озиқ
    — овқат маҳсулотлари;
  • Девор
    учун гулқоғозлар;
  • Офис
    буюмлари (қайчи, степлер, циркуль);
  • Тўқимачилик
    (йигирув, тўқув ва тикувчилик) маҳсулотлари;
  • Сочиқ,
    пайпоқ, трикотаж маҳсулотлари;
  • Спорт
    товарлари;
  • Мебель
    ва мебель жихозлари (ёғоч ва пластмасса);
  • Сантехника
    маҳсулотлари (ванна, раковина, унитаз ва ҳоказо);
  • Полиэтилен
    маҳсулотлари;
  • Деворбоп
    қурилиш материаллари (қуруқ аралашма, пено ва газоблоклар ва ҳоказо);
  • Кир
    ювиш воситалари маҳсулотлари;
  • Тадбиркорлар
    таклифларига асосан импорт ўрнини босувчи ҳамда экспортбоп бошқа турдаги
    маҳсулотлар ишлаб чиқариш. 

Мурожаат учун манзил: Бухоро шаҳар, И.Каримов
кўчаси 10-уй,
1-қават, 105-хона.  Ижарага берувчи:
“Бухоро кичик саноат зоналари дирекцияси” давлат муассасаси, тел:
0(365)221-55-08, 0(365)223-23-67 .

Click to listen highlighted text!