Портал фаолияти мувофиқлаштириб борилади

Маълумки жорий йилнинг 18-27 ноябр кунлари пойтахтимизнинг “Ўзекспомарказ” марказий кўргазмалар мажмуида саноат кооперациясини янада ривожлантириш ва талаб юқори бўлган маҳсулотлар ишлаб чиқаришни кенгайтиришга қаратилган Ўзбекистон саноат ярмаркаси ва кооперация биржаси бўлиб ўтган эди.

Тадбирга давлатимиз раҳбари ташриф буюриб, саноат маҳсулотлари ишлаб чиқарувчилари ўртасида кооперация алоқаларини кенгайтириш, соҳани ривожлантиришда олиб борилаётган ижобий ишлар, хусусан янги ташкил этилган Электрон кооперация биржаси портали фаолияти (www.cооператион.уз), билан танишиб, мазкур йўналишда истиқболда бажарилиши лозим бўлган устувор вазифалар хусусида тўхталган эди.

Шунга мувофиқ, маҳаллий ишлаб чиқарувчиларнинг кооперация алоқаларини мустаҳкамлаш ва хўжалик юритувчи субъектлар ўртасида ўзаро ҳамкорлик учун қулай шарт-шароитлар тақдим этиш мақсадида вазирлик марказий аппарати таркибида “Электрон кооперация биржаси порталини юритиш бўлими” ташкил этилди.

Ушбу бўлимнинг асосий вазифаларидан этиб, мазкур Портал фаолиятини ташкил этиш ва мувофиқлаштириб бориш белгиланди.




Саноат ярмаркаси ва кооперация биржаси

Электрон кооперация портали ҳақида қулланма ушбу ссылка орқали танишишингиз мумкин.




2025-йилгача инвестиция стратегияси лойиҳаси рақамларда

“Ўзбекистон Республикасининг 2025 йилгача инвестиция сиёсати стратегияси” Ўзбекистон Республикаси Иқтисодиёт ва саноат вазирлиги томонидан халқаро тажриба, республика иқтисодиёти, унинг тармоқлари ва ҳудудлари инвестиция жараёнлари ривожланишидаги тенденциялар ва муаммолар таҳлили асосида тайёрланган.

2025 йилгача инвестиция сиёсатининг мақсади иқтисодиётнинг рақобатбардошлиги ва мувозанатини ошириш, ишлаб чиқариш ва экспорт салоҳиятини ривожлантириш, ҳудудларни ривожлантириш ва аҳоли фаровонлигини ошириш ҳисобланади.

Стратегиянинг асосий вазифалари учта асосий йўналиш бўйича: инвестиция муҳитини яхшилаш, ички инвестиция манбаларини кенгайтириш ва инвестиция манбаларининг самарадорлигини ошириш, самарали чора-тадбирларни амалга ошириш ва хорижий инвестицияларни жалб қилишнинг янги ёндашувларини ишлаб чиқиш аниқланган.

2025 йилгача инвестицияларнинг асосий манбалари тўғридан-тўғри инвестициялар, шу жумладан давлат-хусусий шериклик, давлат инвестициялари ва корпоратив қимматли қоғозлар сармоялари бўлади. 2019-2025 йилларда амалга оширилаётган ҳамда истиқболли янги инвестиция лойиҳалари доирасида 1002,5 миллиард сўмдан ортиқ марказлаштирилмаган инвестицияларни ўзлаштириши кўзда тутимоқда. Шунингдек, яқин 30 фоизи корхоналарнинг ўз маблағлари ҳисобидан молиялаштирилади.

Асосий капиталга киритилган инвестициялар ялпи ички маҳсулотдаги улуши 2018 йилдаги 30,5 фоиздан 2025 йилда 37,5 фоизга ўсиши кутилмоқда. Шунингдек, 2025 йилда жалб қилинган тўғридан-тўғри хорижий инвестициялар ва кредитлар миқдори 11 миллиард АҚШ долларга етказилади, бу кўрсаткич 2018 йилда 1,6 миллиард АҚШ долларни ташкил қилган.

Инвестицион сиёсат стратегиясининг амалга оширилишининг натижаси республиканинг ҳудудий ва саноат ривожланишини ҳар томонлама таъминлаш, шунингдек маҳсулотларнинг хом ашйодан тайёр маҳсулотгача бўлган қиймат занжирларини шакллантириш, мавжудларини мустаҳкамлаш ва янги ҳудудлараро ва тармоқлараро алоқаларни шакллантириш, соҳалар, ҳудудлар, давлат органлари ва хусусий бизнес ўртасидаги ҳамкорликни ривожлантириш бўлади.

Манба: http://mineconomy.uz/uz/news/view/2894




Янги ташкил этилган бўлим раҳбар ва мутахассислари ўз малакаларини оширишди

Иқтисодиёт ва саноат вазирлиги тизимида янги ташкил этилган Кичик бизнес ва тадбиркорликни, мухандислик инфратузилмалари ҳамда кичик саноат зоналарини ривожлантириш бўлими раҳбарлари ва ходимлари учун малака ошириш курслари бўлиб ўтди. Унда тизимдаги Қорақалпоғистон Республикаси Иқтисодиёт ва саноат вазирлиги ҳамда ҳудудий Иқтисодиёт ва саноат бош бошқармаларининг тегишли мутахассислари иштирок этишди.

Қисқа муддатли ўқув курсида бўлимнинг асосий устувор вазифалари кўрсатиб берилди, мавзулар юзасидан курс сўннггида тест имтиҳонлари олинди.

Ўқув машғулотларини вазирлик ҳузуридаги Кичик бизнес ва тадбиркорликни ривожлантириш агентлиги мутасаддилари ҳамда Адлия вазирлиги, Давергеодезкадастр қўмитаси, Савдо-саноат палатаси, республика Халқ банки ва Агро банки, Урбанизатсия агентлиги ҳамда Тадбиркорлик фаолиятини қўллаб-қувватлаш давлат жамғармасининг раҳбар ва юқори малакали мутахассислари олиб бордилар.




Сув ресурсларидан самарали фойдаланиш – давр талаби

Давлатимиз раҳбари томонидан жорий йилнинг 19 сентябр куни сув ресурслари бошқариш тизимини ислоҳ қилиш масалаларига бағишланган йиғилишда берилган топшириқлар ижросини таъминлаш мақсадида, 21-22 сентябр кунлари Иқтисодиёт ва саноат вазирининг биринчи ўринбосари О.Рустамов бошчилигидаги ишчи гуруҳ жойларга сафар уюштирди.

Хусусан, ишчи гуруҳ Тошкент вилоятидаги сувни тежовчи технологияларни жорий қилган “National agro product” фермер хўжалиги фаолияти билан танишди.

Шунингдек, ушбу технологияларни ишлаб чиқарувчи Тошкент шаҳридаги “Есо Дрип Лух”, “Агро Дрип”, “Пипе течнологиэс” корхоналарида асбоб-ускуналар, бутловчи қисмларни маҳаллийлаштириш тизимида юзага келаётган муаммолар ҳам ўрганилди.

Эслатиб ўтамиз, Иқтисодиёт ва саноат вазирлигида мутасадди вазирлик ва идоралар, ишлаб чиқарувчи корхоналар вакиллари иштирокида бўлиб ўтган йиғилишда соҳада мавжуд муаммоларни бартараф этиш ҳамда келгусида амалга ошириладиган вазифалар юзасидан келишиб олинган эди.

Манба: http://mineconomy.uz/uz/news/view/2867




Тизим ходимлари малакасини ошириш давом этмоқда

Вазирликда 10-11 сентябр кунлари “Туман (шаҳар)да аҳоли турмуш фаровонлигини ошириш ҳамда ижтимоий инфратузилмани ривожлантиришни режалаштириш” мавзусида Қорақалпоғистон Республикаси Иқтисодиёт ва саноат вазирлиги, вилоятлар ҳамда Тошкент шаҳар иқтисодиёт ва саноат бош бошқармаларининг Ижтимоий-иқтисодий комплекс ривожлантириш дастурларини ишлаб чиқиш ва таҳлил қилиш йиғма бўлимлари ходимлари ҳамда туманлар ва шаҳарлар бўлимларининг ижтимоий масалалар бўйича шуғулланадиган ходимлари иштирокида навбатдаги икки кунлик семинар ўқуви ташкил этилди. Ўқув курсида туман(шаҳар)даги демографик ҳолат, меҳнат салоҳияти ва уни баҳолаш услубиёти, аҳоли турмуш даражасини ифодаловчи кўрсаткичлар ва уларнинг тизимли таҳлили, аҳолининг умумий даромадлари, истеъмол саватчаси тушунчаси ва унинг таркиби, ижтимоий инфратузилмани ташкил қилиш, бошқариш ва ривожлантириш тенденциялари, туман(шаҳар)нинг ижтимоий салоҳиятини баҳолаш ҳамда коррупция ва унга қарши кураш тадбирлари каби мавзуларда маърузалар қилинди. Маърузаларни Прогнозлаштириш ва макроиқтисодий тадқиқотлар институтининг олимлари ва юқори малакали илмий ходимлари, Тошкент давлат иқтисодиёт университети ва Ички ишлар вазирлиги академиясининг профессор-ўқитувчилари олиб боришди.
Тингловчилар ўқувларда иш фаолиятларига доир замонавий билим ва кўникмаларини бойитиб, малака даражасини оширганликларидан мамнун. Шу билан бирга, жойларда соҳага оид айрим муаммоларни ҳал қилиш бўйича ўз фикр ва таклифларини билдиришди. Эслатиб ўтамиз, мазкур ўқув курслари “Иқтисодиёт ва саноат вазирлиги қуйи тизими ходимларини 2019 йилда малакасини ошириш бўйича ўқув семинарларини ўтказиш жадвали”га асосан ташкил этилган бўлиб, ушбу йўналишдаги ўқув курслари кейинги гуруҳларда туманлар ва шаҳарлар бўлимларининг ходимлари учун ноябр ойига қадар давом этади.

Манба: mineconomy.uz




Тадбиркорликни ривожлантириш ва давлат бюджетига кафолатланган тушумларни таъминлаш масалалари таҳлил қилинди

Ўзбекистон Республикаси Президенти Шавкат Мирзиёев раислигида 11 сентябрь куни кичик бизнес ва хусусий тадбиркорликни янада ривожлантириш ҳамда давлат бюджетига кафолатланган тушумларни таъминлаш масалаларига бағишланган видеоселектор йиғилиши бўлиб ўтди.

Қайд этилганидек, мамлакатимизда кичик бизнес ва хусусий тадбиркорликни ривожлантириш, соҳа субъектларини ҳар тарафлама қўллаб-қувватлаш юзасидан мутлақо янги тизим яратилмоқда. Тадбиркорликни ривожлантириш йўлидаги кўплаб бюрократик тўсиқлар бартараф этилмоқда.

Ушбу янги тизим, яқинда ташкил этилган Кичик бизнес ва тадбиркорликни ривожлантириш агентлигининг мувофиқлаштирувчи роли остида Бош вазирнинг Тадбиркорлар мурожаатларини кўриб чиқиш қабулхоналари, Бизнес-омбудсман, Савдо-саноат палатаси, Адлия вазирлиги, жойлардаги ҳокимларнинг биринчи ўринбосарлари бошчилигидаги иқтисодиёт комплекси ташкилотларининг мазкур йўналишда ҳамжиҳатликда изчил ишлашини назарда тутади.

Тадбиркорлик субъектларига молиявий кўмак бериш мақсадида уларга тижорат банклари ўзига хос бизнес-ҳамкор бўлишини таъминлаш бўйича янги концепция амалиётга жорий қилинмоқда.

Бундай тизимли амалий чоралар натижасида жорий йилнинг ўтган 8 ойида 70 мингта янги тадбиркорлик субъекти ташкил этилди. Бу ўтган йилнинг шу даврига нисбатан 2 баробарга кўпдир.

Шу билан бирга, ҳудудларда ишлатилмаётган резерв ва имкониятлар етарли. Соҳани ривожлантириш бўйича янги тизим қандай ишлаши кераклигини жойларда кўпчилик раҳбарлар ҳали чуқур англаб етмаяпти.

Бош вазир қабулхоналари ташкил этилганидан кейин ўтган уч ой мобайнида унга 12 мингдан зиёд мурожаат келиб тушган, уларнинг асосий қисми кредит, ер ажратиш ва бошқа масалалар билан боғлиқ. 

Мурожаатларнинг аксарияти Тошкент, Қашқадарё, Андижон, Самарқанд вилоятларига тўғри келган. Улардан 9 мингтаси ёки 75 фоизи жойида, шундан 40 фоизи бевосита туман даражасида ҳал бўлган. Бу ҳолат илгари қуйи бўғин раҳбарлари тадбиркорлик соҳасидаги мавжуд муаммолар билан умуман шуғулланмаганидан далолат беради.

Вазирлар Маҳкамасига Кичик бизнес ва тадбиркорликни ривожлантириш агентлиги билан бирга Бош вазир қабулхоналарига тадбиркорлик субъектларидан тушаётган мурожаатларда кўтарилаётган муаммоларни имкон қадар жойида ҳал этилишини доимий равишда муҳокама қилиб бориш топширилди.

Шунингдек, марказий идоралар ва вазирликлар раҳбарларидан иборат таркибда 6 та ҳудудий Ишчи гуруҳларини тузган ҳолда, тадбиркорликни ривожлантириш бўйича янги тизимни мамлакатнинг бошқа туман ва шаҳарларида жорий этиш, жойларда бу борада ишлатилмаётган имкониятларни сафарбар қилиш юзасидан аниқ чоралар белгилаб берилди.

Жумладан, Ишчи гуруҳларига ҳар бир туман ва шаҳарнинг ўзига хос хусусиятлари ва салоҳиятини ўрганиб, уларни қайси йўналишларга ихтисослаштириш бўйича аниқ таклифларни ишлаб чиқиш ҳамда шунга мос равишда янги инвестиция лойиҳалари амалга оширилишини таъминлаш юклатилди. Шунингдек, жойларда тадбиркорлар иштирокида уларни қизиқтирган масала ва муаммолар юзасидан очиқ мулоқотлар ўтказиб, мавжуд ғов-тўсиқларни бартараф этиш чораларини кўриб бориш топширилди.

Мажлисда бизнес муҳитини яхшилаш бўйича қонуний асосларни такомиллаштириш ва аниқ йўналтирилган амалий чоралар кўришга алоҳида тўхталиб ўтилди.

Манба: https://president.uz/uz/lists/view/2857




Иқтисодиёт ва саноат вазирлигида ўқув семинари ташкил этилди

Бугун Иқтисодиёт ва саноат вазирлигининг кичик мажлислар залида вазирлик ҳузуридаги Прогнозлаштириш ва макроиқтисодий тадқиқотлар институти таркибида ташкил этилган Ходимларнинг малакасини ошириш ўқув маркази томонидан икки кунлик ўқув семинар уюштирилди.

Ўқув семинарида иштирок этаётган Бухоро вилояти Иқтисодиёт ва саноат бош бошқармаси бўлим бошлиғи Жаҳонгир Козимов 6 йилдан буён шу соҳада фаолият кўрсатади ва у шаҳар ва туманларларнинг ижтимоий-иқтисодий кўрсаткичларини шакллантириш ҳамда ҳудудларни бахолаш тизимини такомиллаштириш борасида ўз таклифларини берди.

Шу билан биргаликда Жаҳонгир Козимов Бухоро вилояти Пешкў ва Олот туманларини ривожлантириш масалалрини ўртага ташлаб бу бўйича профессор ўқитувчилар ўз таклифларини бердилар.




ОАВ вакиллари билан навбатдаги мулоқот

Бугун Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида Иқтисодиёт ва саноат вазири Ботир Хўжаев иштирокида оммавий ахборот воситалари (ОАВ) ва интернет нашрлар вакиллари билан “Мамлакатдаги ижтимоий-иқтисодий вазият, инсон капитали даражасини ошириш” мавзусида брифинг ўтказилди.
Иқтисодиёт ва саноат вазири кун тартибидаги мавзу юзасидан ОАВ вакилларини тегишли маълумотлар билан таништиргандан сўнг, навбатни вазирлик департамент бошлиғи ўринбосари Илҳом Маматкуловга берди. У йиғилганларга “Ўзбекистон Республикасининг 2030 йилга қадар ижтимоий-иқтисодий комплекс ривожлантириш концепцияси” мавзусида тақдимот ўтказди.
Тақдимотдан сўнг, вазир билан ОАВ вакиллари ўртасида қизғин ва жонли савол-жавоблар тарзида мулоқот бўлиб ўтди. Мулоқот давомида, асосан аҳолининг турмуш даражаси ва даромадлари таркиби, истеъмол савати, меҳнат ресурсларининг миграцияси, бандлик ва коммунал тўловларга бўлган харажатлар ва хусусида масалалар кўтарилди. Ўз навбатида, ОАВ вакиллари ўзларининг қизиқтирган саволларига батафсил жавоб олдилар.

Манба Иқтисодиёт ва саноат вазирлиги расмий вебсайти (mineconomy.uz)




Бугунги кунда Бухоро вилоятида ташкил этилган КСЗ лар тўғрисида

Ўзбекистон Республикаси Президентининг 2018 йил 11 октябрдаги
“Бухоро вилоятида кичик саноат зоналарини ташкил этиш
чора-тадбирлари тўғрисида”ги ПҚ-3965-сонли ҳамда Бухоро вилояти ҳокимининг 2018
йил 7 ноябрдаги  600-сонли қарорларига
асосан “Бухоро кичик саноат зоналари дирекцияси” давлат унитар корхонаси ташкил
этилган.

Вилоят эркин иқтисодий зоналар ва кичик саноат зоналари Маъмурий кенгашининг 2018 йил 23 октябрдаги 9-сонли йиғилиш баёнига асосан “Бухоро кичик саноат зоналари дирекцияси” давлат унитар корхонаси 2018 йил
8 ноябрда (№648510) рўйхатдан ўтказилган бўлиб, ягона КСЗлар дирекцияси раҳбари Эргашев Файзулло Қамбарович этиб тайинланган.

Жорий йилнинг 5 ойи якунлари бўйича республика кичик саноат зоналарида инвестиция лойиҳаларининг амалга оширилиши ҳолати, мавжуд камчиликлар ҳамда уларни бартараф этиш бўйича қўйилаётган вазифалар тўғрисида.

Бугунги кунда вилоятнинг 5 та ҳудудида (Бухоро ва Когон шаҳарлари ҳамда Когон, Жондор,
Қоровулбозор туманлари)

умумий ер майдони 37,3 гектардан
иборат 8 та объектлар негизида кичик
саноат зоналари ташкил этилган бўлиб 168
та лотларга
ажратилган (шундан 5 таси
2019 йилда ташкил этилган)
.

Шунингдек 53
та
тадбиркорлик субъектларига жами 11,3
гектар
(30 %)ер майдонлари ажратиб берилган бўлиб, шундан ҳозирги кунга қадар
19 та лойиҳалар тўлиқ ишга
туширилган ҳамда улар томонидан
18,6 млрд. сўмлик инвестиция
киритиш эвазига 256 та янги
иш ўринлари яратилишига эришилди.

Шу билан бирга КСЗ
иштирокчилари томонидан 2018 йилда жами
24,7 млрд. сўмлик маҳсулотлар  ишлаб
чиқарилган бўлиб, шундан, 1,4 млн АҚШ долларлик маҳсулотлар экспортга
йўналтирилган. Шунингдек,
2019 йилнинг ўтган 5 ой
давомида жами 12,9 млрд. сўмлик ёки режага нисбатдан 148,0 фоизга (режа 8,7 млрд. сўм) маҳсулотлар ишлаб
чиқарилиб, шундан, 522,0 минг АҚШ доллар (режага
нисбатдан 149 фоиз)
миқдорида маҳсулотлар экспортга йўналтирилган (режа 350,0 минг АҚШ долл.) Жорий йилнинг 6 ой якуни билан 10,5
млрд. сўмлик маҳсулотлар ишлаб чиқарилиши режалаштирилган бўлиб 1-ярим
йиллик якуни билан маҳсулот ишлаб чиқариш ҳажми 132 фоизга ёки 13,9
млрд. сўмга
бажарилиш кутилмоқда.

Шундан 563,5
минг АҚШ долл. (140 фоиз)
миқдорида маҳсулотлар экпортга йўналтирилиши кўзда тутилмоқда.

Қолган 34 та КСЗ иштирокчилари томонидан айни
пайтда лойиҳалаштириш, қурилиш ва асбоб-ускуналарни ўрнатиш ишлари олиб
борилмоқда

Ўзбекистон
Республикаси Президенти Ш.М.Мирзиёевнинг 2019 йил
29-30 март кунлари Бухоро вилоятига ташрифи давомида берилган топшириқларига
асосан кичик саноат зоналари ташкил этилмаган
7 ҳудудда янги ташкил этилиши белгиланган КСЗлар бўйича таклифлар ишлаб чиқилиб
қарор лойиҳаси тайёрланган ҳолда Вазирлар Маҳкамасига киритилди